1He mite khiah Babilon kumpibawipa Nebukhadnezzar in Babilon ah thiar ai, Jerusalem ah le Judah ramah amahte kua ten ah tlung leh tu pomhnak mite i. 2Zerubbabel thawn hleng tute khiah, Jeshua, Nehemiah, Seraiah, Reelaiah, Mordekai, Bilshan, Mispar, Bikvai, Rehum, le Baanah te i. Israel minungte khiah: 3Parosh minungte thawng nih le za le sawm sarih le panih; 4Shephatiah minungte zathum le sawm sarih le panih; 5Arah minungte za sarih le sawm sarih le panga; 6Pahath-Moab minungte, Jeshua le Joab minungte thawng nih le zariat le hlainih; 7Elam minungte thawng khat lezanih le sawm nga le pali; 8Zattu minungte zakua le sawmli le panga; 9Zakkai minungte za sarih le sawmruk; 10Bani minungte zaruk le sawmli le panih; 11Bebai minungte zaruk le kul hluan thum; 12Azkad minungte thawngkhat le zanih le kul hluan nih; 13Adonikam minungte zaruk le sawmruk le paruk; 14Bikvai minungtethawngnih le sawmnga le paruk; 15Adin minungte zali le sawmnga le pali; 16Hezekiah ai Ater minungte sawmkua le pariat; 17Bezai minungte zathum le kul hluan thum; 18Jorah minungte za le hlainih; 19Hashum minungte zanih le kul hluan thum; 20Kibbar minungte sawmkua le panga; 21Bethlehem minungte za le kul hluan thum; 22Netophah minungte sawmnga le paruk; 23Anathoth minungte za le kul hluanriat; 24Azmaveth minungte sawmli le panih; 25Kirjath Arim, Khephirah, le Beeroth minungte za sarih sawmli le pathum; 26Ramah le Keba minungte zaruk le kul hluankhat; 27Mikmas minungte za le kul hluanih; 28Bethel le Ai minungte zanih le kul hluan thum; 29Nebo minungte sawmnga le panih; 30Makbish minungte za le sawmnga le paruk; 31A dang Elam minungte thawngkhat le zanih le sawmnga le pali; 32Harim minungte zathum le kul; 33Lod, Hadid, le Ono minungte za sarih le kul hluan nga; 34Jerikhu minungte zathum le sawmli panga; 35Senaah minungte thawng thum le zaruk le sawmthum i.
36Phungkite khiah: Jeshua songkhat song ai Jedaiah fapate zakua le sawm sarih le pathum; 37Immer fapate thawngkhat le sawmnga le panih; 38Pashur fapate thawngkhat le zanih le sawmnga le pasarih; 39Harim fapate thawngkhat le hlaisarih i.
40Levi te khiah: Jeshua le Kadmiel fapate songai Hodaviah fapate sawm sarih le pali i.
41 Lasatute: Asaph fapate za le kul hluan riat.
42Dawngkham kiltute fate khiah: Shalum fapate, Ater fapate, Talmon fapate, Akkub fapate, Hatita fapate, Shobai fapate, a veksenin za le sawmthum le pakuat i.
43Nethinim te khiah: Ziha fapate, Hasupa fapate, Tabbaoth fapate, 44Keros fapate, Siaha fapate, Padon fapate, 45Lebanah fapate, Hakabah fapate, Akkub fapate, 46Hakab fapate, Shalmai fapate, Hanan fapate, 47Kiddel fapate, Kahar fapate, Reaih fapate, 48Rezin fapate, Nekoda fapate, Kazzam fapate, 49Uzza fapate, Paseah fapate, Besai fapate, 50Asnah fapate, Meunim fapate, Nephusim fapate, 51Bakbuk fapate, Hakupha fapate, Harhur fapate, 52Bazluth fapate, Mehida fapate, Harsha fapate, 53Barkos fapate, Sisera fapate, Tamah fapate, 54Neziah fapate, Hatipha fapate i.
55Solomon hnenumte fate: Sotai fapate, Sophereth fapate, Peruda fapate, 56Jaala fapate, Darkon fapate, Kiddel fapate, 57Shephatiah fapate, Hattil fapate, Zebaim ai Pochereth fapate, le Ami fapte i. 58Nethinim te le Solomon hnenumte fate khiah zathum le sawmkua le panih i.
59Hete khiah Tel Melah, Tel Harsha, Cherub, Addan le Immer ai hlenghnak te i. Ikhalselai amahte in a pupate thu khai ling lo i. Cen Israel minung le minung lo khai ling lo i. 60Ciate khiah: Delaiah fapate, Tobiah fapate, Nekoda fapate, zaruk sawm nga panih i. 61Phungki fapate: Habaiah fapate, Koz fapate, le Barzillai fapate i. Barzillai in Kilead mi Barzillai fenu pakhat nu awng ai amahte hming in sa i. 62He te in pupate khumhnak cazin songah sii napui ai, amahte hming khiah um lo i. Ciamanin amahte khiah a ciang lo i ti in phungki cang thill lo i. Phungki in Urim le Thummim zong hmasa lo in amahte in a cianghlim ber rong khiah ei tuh lo in uktu bawipa in amahte khiah rel i.
64Pawlpui a veksen in thawng sawmli le thawng nih le zathum le sawmruk i. 65Cia hlaiah amahte hnenum pasal le nupang khiah thawng sarih le za thum le sawm thum le pasarih um i. Cen lasatute pasal le nupang zanih um i. 66Amahte in siphuh za sarih le sawmthum le paruk le lakfa zanih le sawmli le panga le sawmtuk le pasarih kala-uk zalile sawmthum le panga le lak thawng sarih le za sarih le kul nai i.
68A paate songkhat songai mi upate in Jerusalem ai Bawipa inn ah hleng fangin, Pathian inn rol tuhin a siang ngai in hlu i. 69Amahte ben tawp in, Bawipa inn sahnak tuhin, sui drachma thawng sawmrul le thawng khat, ngun mina thawng nga le phungkite thilthuamzakhat pe i. 70Ciafangin phungkite le Levi te le mi hrekkhatte le lasatute le dawngkham kiltute le Nethanim te khiah Israel ramai amahte khua ten ah um i.