Ezekiel 42

<<  EZEKIEL 42  >>

1Ciaben fangin amah in saklam in a puata tualvan ah i kawih i. Ciafangin amah in temple tualvan hmai ai le saklam ai inn hmai ai khaan te hnenah i kawih i. 2Cia inn dawngkham khiah saklam hoi ai a saulam khiah dong zakhat i. A kaulam khiah dong sawm nga i. 3A songta tualvan in dong kul hla hmun ah le a puata tualvan lampui hmai ah inn thuah thum vumah donsuk le donsuk khiah hmaiton dun in um i. 4Cen inn khaan te hmai ah lamvak hmun lampui dong ha kau le dong zakhat sau um i. 5A cungta khaan te khiah fip deuh i. Ziangmanti fangin a cungtaber donsuk khiah a laitaber khaan le a hniataber khaan ai donsuk te tah in lian sawn i. 6Thuah thum vum ai khaan te in tualvan te bang in khuam nai lo i. Ciaman in a khaan khiah a laita le a hniataber khaan tah in cik sawn i. 7Cen cia khaan le a puata tualvan thawn camra in a puata bang khaan um i. Cia khaan te le a puata tualvan hmai ah sen um ai dong sawm nga sau i. 8A puata tualvan hiang ai khaan te khiah a veksen in dong sawm nga sau napui ai temple thawn nong ber khaan te khiah a veksen in dong zakhat sau i. 9A hniataber khaan te khiah a puata tualvan lamin lut fangin nisuah hmun lam ah dawngkham nai i.

10A puata sen hmai ai temple tualvan thawn peh dun hnak a puata tualvan hlanglam ai sen dungso ah inn khaan tam ngai um ai, 11Cia inn khaan te hmai ah lampui pakhat um i. He inn khaan te khiah saklam ai inn khaan thawn bang i. A saulam le a kaulam khai bang vek i. Cen a suak hmun te khai a bang vek in nai i. Saklam ai dawngkham bangin 12hlanglam ai inn khaan dawngkham khai bang vek i. Cen lampui a pan ngom hmun ah dawngkham pakhat um ai cia lampui khiah nisuah hmunlam ai sen hmai ah i le cia dawngkham khiah inn khaan song lut hmun i. 13Ciafangin cia pa in i hnenah, “Temple tualvan lam sik tu. Saklam le hlanglam ai inn khaan te khiah phungki te umhmun khaan i. Ciata ah BAWIPA hmai ah naper tu phungki te in a cianghlim ber a hlu te ei i. Ciata ah amahte in a cianghlim ber a hlu te: rongmu hluhnak, sualhnak ca ai hluhnak, mawhhluk hnak a hlu te dah i. Ziangmanti fangin cia hmun khiah a cianghlim i. 14Phungkite in cia a cianghlim hmun khaan songah tlum fangin, amahte naperhnak thilthuam hawk hlanlo a puata tualvan ah suak thill lo i. Ziangmanti fangin cia thilthuam te khiah a cianghlim i.”ti in i rel i. 15Cia pa in temple inn song khiah teh ben fangin, nisuah hmunlam kawl dawngkham in i suah pui ai, a hiang cingkim khiah teh i. 16Nisuah hmunlam khiah a tokrolh thawn teh ai dong za nga sau i. 17Saklam khiah a tokrolh thawn teh ai dong za nga i. 18Hlanglam khiah a tokrolh thawn teh ai dong za nga i. 19Ciafangin ani khai nitla hmunlam ah feh ai tokrolh thawn teh ai dong za nga i. 20Ciatih bangin amah in a ning li in teh i. A cingkim in sen nai ai dong 500 sau ai dong za nga kau i. Ciatih bangin a cianghlim hmun le a menma hmun khiah a tumce in dah i.

<<  EZEKIEL 42  >>