Joshua 1

<<  JOSHUA 1  >>

1BAWIPA hnenum Moses thi hnua fangin BAWIPA in Moses bawmtu Nun fapa Joshua hnenah, 2“I hnenum Moses khiah thi lio i hang. Ciamanin ning veksen in tho in Jordan run khiah tanin Israel mite hnenah i pehnak ramah feh tuu-ih. 3Moses hnenah i rel bangin na ke ai fon hmun cang laipua khiah a veksenin na pe tuh ing. 4He nelrawn in he Lebanon tian le run lian ngai Zufratis Runpui  in, Hit te ram a veksen le nitla hmunlam ai Tipui tian in nangmah ram cang tuh i. 5Na nun songah aisu in khai na tawng ben tuh lo i. Moses hnenah i um bangin na hnenah khai um tuh ing. 6Thahat le raalpha in um tu. Ziangmanti fang in amahte hnenah pe tuhin a paate hnenah i khamhnak ram khiah he mite in co tuhin sem tuh i si.  7I hnenum Moses in na ruai bangin dan upadi te khiah a veksenin na hlun thaihnak tuhin thahat le raalpha in um tu. Cia upadi dan hmunin kiahhan lam le kekeh lamah her malai na feh hmun cang ah na lian tuh i. 8He Dan upadi Ca-uk khiah na kaa songin tlan ma seh. Ikhalselai sun le zan ngaisung in a songai nganhnak bangin a veksenin hlunin per tuh i si. Ziangmanti fangin na lampui khiah lian ruai tuhai, zai zai khai ben tuh liang i si. 9Na ruai zo i lo ing? Thahat le raalpha in um tu. Kih khai kih mah. Thin khai hnawm mah. Ziangmanti fangin BAWIPA  na Pathian khiah na feh hmun cangah nangmah thawn um i.”ti in rel i.

10Ciafangin Joshua in mite lakai raalbawite hnen ah, 11“Camp songah feh tu i lai rongte ralring tuu-ih. Ziangmanti fangin ni thum songah he Jordan khiah tan tuh le ning te in ping tuhin Bawipa ning Pathian ning pehnak ram khiah ping tuhin kawi tuh i si.”ti in rel i.

12Cen Reuben te le Kad te le Manasseh hin hrekkhatte hnenah, Joshua in, 13“BAWIPA hnenum Moses in ning ruaihnak, ‘BAWIPA ning Pathian in comhmun tuhin he ram ning pe i.’ti ai relhnak khiah hih tuu-ih. 14Ning nute le ning fate le ning sumhnamte khiah Jordan run in he lamai Moses in ning pehnak ramah lo um tu seh. Ikhalselai ningte mi thahat le raalpha pawlte tu raal thilthuam vong in ning unaute  hlanin feh tuh i si. 15BAWIPA in comhmun ning pe bangin, ning unaute khai BAWIPA ning Pathian in amahte pehnak ram khiah ping in comhmun pe hlan lo bawm tuh i si. Ciafangin ningte khai BAWIPA hnenum Moses in Jordan run in he lam nisuak hmunlam ram ning pehnak ramah let leh tuh i si.”ti in rel i.

16Ciafangin anite in Joshua khiah, “Na ruaihnak bangin bawn tuh i ing. Na hlat hmun cang ah feh tuh i ing. 17Zaizongza ah Moses thu kin ngai bangin, na thu khai na ngai tuh i ing. BAWIPA na Pathian zong Moses thawn um bangin  nangmah thawn khai lo um tu ve seh. 18Na thu na el tu le na thu na ngai lo tu pa khiah rek tu lio seh. Thahat le raalpha in lo um tu.”ti in sawn i.

<<  JOSHUA 1  >>