1Samuel khiah tar fangin a fapate khiah Israel mite thukhan sah tuhin dah i. 2A fapa upaber khiah Joel i ai a panih hnak hming khiah Abijah i. Anite khai Beersheba ah thukhantu tuan i. 3Ikhalselai a fate in amah khiah hlun lo i. Amahte in a dan lo in a miat si in lamtler ai, nawhthuh lang ai a dikcang in thukhan lo i. 4Ciafangin Israel mite khai a veksenin hmunkhat in khawm ai Ramah ah Samuel hnenah kawi ai, 5amah hnenah, “Sik tu. Na tar i hang. Cen na fapate in na hlun lo i. Ciamanin mi phun dangte bangin kin thu kin tan sah tuhin kumpibawi kin bawt tu.”ti in ruai i.
6Ikhalselai amahte in Samuel hnenah, “Kin thu kin khan sah tuhin kumpibawi kin pe tu.”ti in ngen manin Samuel khai thinraw i. Ciamanin Samuel khai Bawipa hnenah sawngen i. 7Ciafangin Bawipa in Samuel hnenah, “Na hnenah amahte in na ngen bangin amahte thu khiah ngai tu. Ziangmanti fangin nangmah na hnawl i lo ai amahte khiah uk daih lo in kaimah sawn i hnawl i bang. 8Amahte khiah Izip ramin i suah ai panin amahte naperhnak veksen bangin, tunnia tianin kaimah khiah i zam ai pathian dangte na khiah per sah i. Ciamanin tunin nangmah hnenah khai bawn ve i. 9Ciamanin tunin amahte thu khiah ngai tu. Ikhalselai amahte khiah a thupui in tiamin amahte uktu kumpibawi tuh a nuncan a ziaza khiah rel tu.”ti in ruai i.
10Ciamanin kumpibawi a ngentute hnenah Bawipa ai relhnak thu khiah a veksen in rel i. 11Samuel in, “Ning uktu kumpibawi tuh a nuncan a ziaza khiah he bang i tuh i: Ning fapate khiah ning lang sah tuh ai, a siphuh leng mawng tu tuhin le a siphuh totu tuh in le a hrekkhatte khiah siphuh leng hmai in dawptu tuhin ning lang sah tuh i. 12A raalkap thawngkhat le sawmnga vumah bawi dah tuhai, a hrekkhatte in a lovai sah tuhai a hrekkhatte in a rongkhawm sah tuh i. A hrekkhatte in raal thilthuam le siphuh leng thilrite bawn sahtu tuh in hmang i. 13Ning fenute khiah zihmui nawih tu le rongsuangtu le pawnghmuk emtute per ruai tuh i. 14Ning lo, ning capit vuandum le oliv vuandum a phaber khiah ning lang sah tuh ai, a hnenumte pe tuh i. 15Cen ning rong le ning capit te khiah hmunha khan hmunkhat ning lang sah tuhai, a bawite le a hnenumte pe tuh i. 16Ning pasal hnenumte le nupang hnenum te le ning tlangvalte a pha ber le ning lak a pha berte khiah ning lang sah tuhai, amah naper sah tuhin dah tuh i. 17Ning tu hmunha khan hmunkhat ning lang sah tuhai, ningte khiah amah hnenum ning cang tuh i.”ti in rel i.
19Ikhalselai anite in Samuel thu khiah ngai nuam lo i. Ikhalselai, “I lo i! Kumpibawi in kin uk tu seh. 20Ciafangin kin te khai mi dang veksen bang tuhai, kin kumpibawi in thu kin khan sah tuhai, kin hmai in feh in raal kin tawng sah tuh i.”ti in ti i. 21Ciafangin Samuel in cia mite relhnak thu hmuah khiah ngai ai Bawipa hnenah a veksenin rel sio i. 21Ciamanin Bawipa in Samuel hnenah, “Amahte thu khiah ngai tulai, kumpibawi pe tu.”ti in ti i. Ciafangin Samuel in Israel mite hnenah, “Ning veksenin ning khua ah tlung tuu-ih.”ti in ruai i.