1 Samuel 30

<<  1 SAMUEL 30  >>

1David le a minungte khiah Ziklak ah ni thum nia in hleng fangin, Amalek te in Negev le Ziklak khiah sim ai, Ziklak khiah neh lio ai mei in tai i. 2Ziklak khua ai nupangte khiah a veksenin pom ai a cik le a lian khai rek lo in a veksenin phur sio ai anite khai tlan i. 3Ciamanin David le a minungte khiah Ziklak ah hleng fang in, Ziklak khiah mei in kang sio ai, a nute le a fate le a fenute khiah pom sah sio khiah tawk i. 4Ciafangin David le a minungte khai lungsia ngai in a tha nai song hmuah kap tlang i. 5Cen David nu panih te Jezreel mi Ahinoam le Kharmel mi Nabal nu Abikel khai raalte in pom ve i. 6Ciafangin David khai thinthip bik i. Ziangmanti fangin, a minungte in amah khiah lungto in sep tuhin sawm tlang i. Ziangmanti fangin, a minungte khiah a fapa le a fenu te ca ten in lungsia ngai i. Ikhalselai David tu Bawipa a Pathian manin thakho in um i. 7Ciafangin David in Ahimelek fapa phungki pa Abiathar hnenah, “Ephod khiah heta ah kawih tu.” ti in ruai i. Ciafangin Abiathar in ephod khiah David hnen ah kawih i. 8Ciale David in Bawipa hnenah, “Hete khiah hnawh ngang? Amahte khiah man ngang?” ti in zong i. Bawipa in, “Hnawh tu. Amahte khiah man tuh rori ai a khim liang in ngah leh tuh sio i si.” ti in sawn i. 9Ciamanin David le a minung zaruk khai feh ai Besor rawn ah hleng fangin, ciata ah a hrek minungte khiah hlum i. 10Ikhalselai David le minung zali in a raalte khiah hnawh i. Zanihte tu a baang ze manin Besor rawn khiah kaal ben lo manin a hnua ah taang i.

11Ciafangin amahte in lo songah Izip mi pakhat khiah tawk ai David hnenah kawih i. Amahte in cia pa khiah rong ei tuh le ti ding tuh pe i. 12Cen amahte in theihmin pawnghmuk le caipit thei a ro khai bor nih pe ai amah in ciate khiah ei ben fangin, a ni khai nung sungso i. Ziangmanti fangin amah in rong ei lo le ti ding lo in ni thum le zan thum um i. 13Ciafangin David in amah hnenah, “Aisu minung i si? Kon in hleng i si?”t i in zawt i. Ciafangin amah in, “Kaimah khiah Izip minung ing. Cen Amalek pakhat pa hnenum ing. Kin hnua ni thum fangin i ur manin i bawnipa in i zam i. 14Chereth hlanglam le Judah te varkam le Khalep hlanglam sim i ing. Cen Ziklak khai mei thawn tai i ing.” ti in rel i. 15Ciafangin David in amah hnenah, “He mite hnenah i kawih thill tur sim?” ti in zawt i. Amah in, “I rek tuh lo in le i bawipa hnenah i ap leh tuh lo in Pathian hmai ah thu i kham tulai, he mite hnenah na kawih ngang.” ti in sawn i.

16Amah in amahte khiah cia mite hnenah kawih fangin, cia mite khai Filistin ram le Israel ram in thil tamngai rok sah ngah manin, anite khai laipua ah nuamhmun caang ah ei le ding le tlanglam in lo um i.  17Ciafangin David in amahte khiah zan khuathim ngom ai panin a thai zan tian tawng ai kala-uk to in tlan tu mi zali hlah hmuah pakhat bang khai luat ngah lo i. 18David in Amalek te ai rok hnak hmuah a veksenin long ngah sio i. David in a nu panihte khai  ngah leh i. 19Amahte in thil a cik le a lian, fapa le fenu te le amah hnenai langhnak hmuahhmuah khiah a veksenin David in ngah leh sio i. 20David in tu te le kawlpawlte khiah a dang kawlpawte hlanah feh ruai ai, “He khiah David ai i.” ti in ti i.

21Ciafangin David khai Besor Rawn ah amahte in um ruaihnak, a bang ze manin David hlun ben lo tu minung zanih hnenah kawi i. Ciamanin anite in David le amah thawn ai umtute caang tuh in feh i. David khai cia mite hiang ah hleng fangin amahte khiah pon i. 22Ciafangin David thawn feh tu mi zai failo te in, “Amahte in kin kawm in feh lo manin, amahte nu le fate khiah lang in feh tu seh. Cialo kin longhnak thilrite khiah amahte pe tuh lo i sing.” ti in ti i. 23Ikhalselai David in, “I ulenaute, Bawipa ai kin pehnak khiah ciatih in bawn tuh lo i sing. Ziangmanti fangin Bawipa in kin him ruai ai kin raalte khiah kin kut ah kin ap ai kin pe i. 24Aisu in ning relhnak khiah ning ngai sah tuh i? Raaltawng hmunah feh tu pa vo khiah thil kil ai umtu pa vo thawn camra tuh i. Amahte in a bangvek in sem tuh i.” ti in ti i. 25Cia nia ai panin tun nia tian David in ciatih bangin thukham in bawn i.

26David khai Ziklak ah hleng fangin, a rualpui Judah mite upa hnenah a longhnak thilri hrekkhatte khiah kuat ai, “He khiah Bawipa raalte hnenai kin longhnak lehsawng i.” ti in rel i. 27Ciate khiah Bethel le Ramoh Nekev le Jattir le, 28Aroer le Siphmoth le Eshtemoa le 29Rachal le Jerahmeel khua hmuahhmuah ai le Ken khua hmuahhmuah ai le 30Hormah ai le David le a minungte ai vak awng hmunai umtu upate i.

<<  1 SAMUEL 30  >>

Recent Posts