1 Samuel 28

<<  1 SAMUEL 28  >>

1Ciafangin Filistin te khiah Israel mite tawng tuhin hmunkhat in a ralkapte khiah khawm tlang i. Ciafangin Achish  in David hnenah, “Nangmah le na minungte khiah raaltawng tuhin kaimah thawn feh tuh khiah ling rori i si.” ti in ti i. 2Ciafangin David in Achish hnenah, “Na hnenum in zai bawn thiam i ti khiah ling tuh pam i si.” ti in ti i. Ciafangin Achish in David hnenah, “Ciamanin i kiltu upaber in a kumkhua in na dah tuh ing.” ti in ti i.

3Ciateng in Samuel khai thi zo ai ciamanin Israel mite in amah khiah thiraal ai amah khua Ramah ah vui i. Cen Saul in tlahsan thiamte le mi rauhlate thawn pongthiamtute khiah Israel ramin hnawt sio i. 4Ciafangin Filistin mite khai hmunkhat in khawm tlang ai Shunem ah caam i. Ciamanin Saul khai Israel mite khiah a veksenin hmunkhat in khawm ai Kilboa ah caam i. 5Saul in Filistin raalkapte khiah hmu fangin lau rauh ai a thin khiah thing biakbo i. 6Cen Saul in Bawipa hnenah thu zong tum fangin, Bawipa in mang in i tu seh, Urim in i tu seh, prawfet songin i tu seh, sawn nawn lo i. 7Ciamanin Saul in a hnenumte hnenah, “Tlahsan thiam nupui pakhat i si tu i lai, amah khiah zong ngang.” ti in ruai i.  Ciafangin a hnenumte in, “En Dor ah tlahsan thiam nupui pakhat um i na.” ti in sawn i. 8Ciamanin Saul khai a thuam dang sil ai mi dang bangin paal khel le mi panih thawn zanlai in cia nupui hnen ah kawi i. Ciafangin Saul in, “Mi rauhla i zawt sah tulai a hming na rel ngangkhaw cia pa i kawih sah tu.” ti in ruai i. 9Ciafangin cia nupui in amah hnenah, “Saul in tlahsan thiamte le mi rauhla thawn pong thiamte khiah Israel ramin rek sio  ling i si. Cia ilekhaw zaimanin i thi ruai tuhin thang i tauh i si?” ti in sawn i. 10Ciafangin Saul in Bawipa hming in thukham ai, “Bawipa nung song hmuah in he manin cawhkuan ngah tuh lo i si.” ti in ti i. 11Ciafangin nupui nuu in, “Aisu na kawih sah tuh ing?” ti in zawt i. Saul in, “Samuel i kawih sah tu.” ti in sawn i. 12Nupui nuu in Samuel khiah hmu fangin a lau ngai in au ai Saul hnenah, “Ziangman in i zawl i si? Nangmah khiah Saul i si.” ti in ti i.  13Ciafangin kumpibawipa in cia nuu hnenah, “Lau mah. Zai hmu pa si?” ti in zawt i. Ciafangin cia nuu in Saul hnenah, “Laipua song in mi rauhla pakhat hong hmu ing.” ti in sawn i. 14Ciamanin Saul in cia nuu hnenah, “A  hmuihmel zai bang i?” ti in zawt i. Cia nuu in, “Patar paa hong i. Amah in lawngkawt sil i.” ti in rel i. Ciafangin Saul in cia paa khiah Samuel  i ti  ling i. Ciafangin a ni khai laipua ah a lu ut ai  sikhu i.

15Ciale Samuel in Saul hnenah, “Zaimanin hnai i hnok i si? Zaimanin in i hong ruai i si?” ti in ti i. Saul in, “Thin i nuam lo rauh i. Ziangmanti fangin Filistin te in i tawng ai Pathian le i hnenin tlan ai prawfet te song le mang thawn khai i sawn nuam lo i hang. Ciamanin nang in i bawn     tuhhnak i rel tuhin na ko ing.” ti in rel i.  16Ciafangin Samuel in, “Bawipa khiah na hmunin tlan ai na raal cang lio khiah hmu i si. Cia ilekhaw zaimanin i zawt i si? 17Kaimah ai rel bangin Bawipa in amah ca in bawn zo i. Ziangmanti fangin Bawipa in kumpibawi ukhnak khiah na kut songin na sut sah ai, na ompui David pe zo i. 18Nangmah in Bawipa thu  ngai lo ai Amalek mite vumai a thinraw rauh hnak khiah khim ruai lo i si. Ciamanin tunnia ah Bawipa in hete khiah na vumah bawn i. 19Ciazolo ah Bawipa in Israel mite le nangmah kawmin Filistin te kut ah ning ap tuh i. Thangha ah nangmah le na fapate khiah kaimah thawn um tuh i si. Cen Israel raalkapte khai Bawipa in Filistin mite kut ah ap tuh i.” ti in rel i.

20Ciafangin Saul khai laipua ah tlu vut ai Samuel relhnak thu manin, ani khai lau rauh i. Amah in zan le sun rongei lo in um manin, tha nai tau lo i. 21Ciafangin nupui nuu khai Saul hnenah kawi ai a thinthip rauh  ai um khiah hmu fangin, amah hnen ah,”Na hneum nuu in na thu khiah na ngai ai, i nunhnak khiah i kut songah dah ai nangmah ai i relhnak thu khiah na ngai ing. 22Ciamanin tunin nang in na hnenum nuu thu khiah ngai tulai, na hmai ah pawnghmuk hlomkhat na kawih sah ngangkhaw, ei tulai, na feh fangin tha nai tuh i si.” ti in ti i. 23Ikhalselai Saul in nuam lo ai, “Ei tuh lo ing.” ti in ti i. Ikhalselai a hnenumte in cia nupui nuu kawmin ei ruai bel manin amahte thu khiah ngai i. Ciamanin ani khai laipua in tho ai khuahluan vumah to i. 24Ciafangin cia nuu in inn songah kawlpaw fa a thau ngai pakhat nai ai a rang ngai in cia kawlpaw khiah ro i. Sangvut khiah lang ai hlom ben fangin, col tel lo in pawmghmuk bawn ai em i. 25Ciatih in cia rongte khiah Saul le a hnenumte hmai ah kawih ai anite khai ei i.  Ciafangin anite khai tho ai cia zan pah in tlan i.

<<  1 SAMUEL 28  >>

Recent Posts