1Ciatih bangin Israel mite khiah a veksenin amahte pupa suahkeh hnak bangin cazin songah khumai, Israel kumpibawi te ca-uk songah khum i. Ikhalselai Judah mite khiah amahte in hlotlau manin Babilon ah thiar sio i. 2Amahte cohnak khua songah a um hmasaberte khiah Israel mite le phungkite le Levi mite le Nethinim te um i.
3Jerusalem ah Judah fate le Benjamin fate hrekkhat le Efraim le Manasseh fate um i. 4Judah fate khiah a fapa Perez tesin fapa Bani fapa Imri fapa Omri fapa Ammihud fapa Uthai i. 5Shilon fate lakah: a fapa upaber Asaiah le a fapate um i. 6Zerah fate lakah: Juel um i. Judah mite khiah zaruk le sawmkua i. 7Benjamin fate lakah: Hassenuah fapa Hodaviah fapa Meshullam fapa Sallu um i. 8Jeroham fapa Ibneiah; Mikhri fapa Uzzi fapa Elah; Ibnijah fapa Reuel fapa Shephatiah fapa Meshullam le 9amahte san songai a unaute kawminzakua le sawmnga le paruk i. He mite khiah amahte songkhat vumah mi upate i.
10Phungkite lakah: Jedaiah, Jehoiarib, le Jachin; 11Pathian inn uktu Ahitub fapa Meraioth fapa Zadok fapa Meshullam fapa Hilkiah fapa Azariah te i. 12Malkhijah fapa Pashur fapa Jeroham fapa Adaiah; Immer fapa Meshillemith fapa Meshullam fapa Jahzerah fapa Adiel fapa Maasai le 13amahte songkhat vumah mi upa amahte unaute kawmin thawngkha le za sarih le sawmruk i. Amahte khiah Pathian inn songah naper thiam ngaingai i.
14Levi mite lakah: Merari mite Hashabiah fapa Azrikam fapa Hasshub fapa Shemaiah; hlainga Bakbakkar, Heresh, Kalal le Asaph fapa Zikhri fapa Mikah fapa Mattaniah; 16Jeduthun fapa Kalal fapa Shemaiah fapa Obadiah; Netophat te khua ai umtu Elkanah fapa Asa fapa Berekhiah te i.
17Dawngkham kiltute khiah: Shallum, Akkub, Talmon, Ahiman, le a unaute i. Shallum khiah a bawi i. 18Cia hlan hmuah amahte khiah Kumpibawi Kawl dawng ai Levi mite buk dawngkham kil sah tute i. 19Korah fapa Ebiasaph fapa Kore fapa Shallum le a pupa Korah songai a unaute khiah tabernacle dawngkham kiltute i. A paate khiah Bawipa buk lut hmun dawngkham kiltute i awng i. 20Hlanlai ah Eleazar fapa Phinehas khiah amahte uk tu i awng i. Ziangmanti fangin Bawipa khiah amah thawn um i. 21Meshelemiah fapa Zekhariah khiah tawkdun hmun tabernacle dawngkham kiltu i awng i. 22Dawngkham kiltu tuh ai rilhnak mi khiah zanih le hlainih i. Amahte khua ten ah amahte pupa suakkehhnak bangin khum i. David le profet Samuel in amahte khiah he naper tuhin pe i. 23Ciamanin amahte le a fate khiah Bawipa inn tabernacle dawngkham kiltu tuhin in dah bangin cia khiah amahte tavuan i. 24Dawngkham kiltute khiah nisuah hmunlam, nitla hmunlam, saklam le hlanglam ah hmun li in dah i. 25Khua songai umtu a unaute khiah amahte thawn ni sarih song kawi de i. 26He dawngkham kiltute lakah ah upa pali um ai amahte khiah Levi mite i. Amahte khiah Pathian inn songai tangka khawihmun le khaan kilkhawl tuhin tavuan pe i. Amahte in Pathian inn khiah kil kul manin le zing siar in Pathian inn hong tuh khiah amahte tavuan i manin, anite khai Pathian inn hiang cinghkim ah it de i. 28A hrekkhatte khiah temple songah hmanghnak thilrite vumah tavuan pe i. Cia thilrite khiah temple songah tlum fangin le temple songin suah fangin amahte in siar de i. 29A hrekkhatte khiah temple thilthuam le a dang thilri le maida le captti zu le thau le rimhmui le masalate vumah tavuan pe i. 30Ikhalselai phungki hrekkhatte in masalate rawih tuhin tavuan lang i. 31Korah mi Shallum fapa upaber Mattithiah ti hnak Levi pa khiah a hlu sangreu em tu tuhin tavuan pe i. 32A dang Kohat unaute khiah Sabbath nia cang in cabuai vumah sangreu dah tuh in tavuan pe i.
33Levi songai mi upa lasa thiamte tu temple inn songah um ngio ai, sun le zan naper kul manin, a dang natuan pe lo i. 34Hete khiah a paate songkhat songah upate i ai, amahte san songah Levi mi lakah mi upa cang i. Amahte khiah Jerusalem ah um i.
34Kibeon paa Jeiel khiah a nu Maakah thawn Kibeon ah um i. 36A fapa upaber khiah Abdon i. A sangtu khiah Zur, Kish, Baal, Ner, Nadah, 37Kedor, Ahio, Zekhariah, le Mikloth i. 38Mikloth in Shimeam nai i. Amahte khiah a unaute kawmin Jerusalem ah um tlang i. 39Ner in Kish nai i. Kish in Saul nai i. Saul in Jonathan le Malkhishua le Abinadab le Esh-Baal nai i. 40Jonathan fapa khiah Merib-Baal i. Merib-Baal fapa khiah Mikah i. 41Mikah fapate khiah Pithon, Melek, Tahrea, le Ahaz i. 42Ahaz fapa khiah Jarah i. Jarah in Alemeth, Azmaveth le Zimri nai i. Zimri in Moza nai i. 41Moza in Binea, Rephaiah a fapa, Eleasah a fapa le Azel a fapa nai i. 44Azel in fapa paruk nai ai a hmingte khiah: Azrikam, Bocheru, Ishmael, Sheariah, Obadiah le Hanan te i. Hete khiah Azel fapate i.