1Kum ruk le hla ruk le ni nga nia ah, Judah upate kawmin i inn songah kin to tlang teng fangin, BAWIPA kut khiah i vumah dah i. 2Ciafangin BAWIPA el tanhnia lamah khiah mai bang in hmu ing. Cen a el tanvum lam khiah mai ling bangin tleu i. 3Ciafangin a kut thawn i samtom in i duk i. Ciafangin Ciang Rauhla in van le laipua laklawh ah i daang ai, Jerusalem ai iksikhnak suak ruaitu iksikhnak zuk umhmun a songta tualvan ai saklam kawldawngkham ah i fehpui ai Pathian in i hmu ruai i. 5Ciata ah Israel mite Pathian thangphathnak khiah zawllai hmunai i hmuhnak Pathian thangphathnak bangin hmu ing.
5Ciafang in BAWIPA in, “Mi fapa, na mit thawn saklam ah hlir tu.”ti in i ruai i. Ciafangin kai khai saklam ah hlir ai, awlta kawldawngkham saklam ah dawngkham lut hmun ah cia iksikhnak zuk khiah um i. 6Ciafangin amah in, “Mi fapa, i temple songin a hla ngai ah i tlan ruai tuhin, Israel mite in a ningdulkul ngai zuk bawn khiah hmu aw sim? Sik leh tu thio lai, a rauh amam ai ningdulkul zuk khiah hmu tuh i si.”ti in i ti i.
7Ciamanin amah in tualvan dawngkham ah i kawih i. Kai khai sik fangin khaan songah kua pakhat hmu ing. 8Ciafangin amah in, “Mi fapa, khaan songah kua co tu.”ti in i ruai i. Kai khai khaan songah kua co fangin dawngkham pakhat tawk ing. 9Ciafangin amah in, “Tlum tulai amahte in ciata ah ningdulkul a siava bawnhnak khiah sik tu.”ti in i ruai i. 10Ciafangin kai khai lut fangin, a bok ai vak pawl nunghing phun caang le ningdulkul ramsate le Israel mite milim zuk hmuahhmuah khiah bangkhang cingkim vum caang ah suaihnak hmu ing. 11Israel mite upa sawmsarih khai Shaphan fapa Jaazaniah khiah amahte laiteng ah ding in ciate zuk hmai ah ding tlang i. Amahte kut ten in rimhmui khiah tai ai rimhmui khu lian ngai khiah suak i. 12Ciafangin BAWIPA in, “Mi fapa, Israel mite upate in khuathim lakah amahte milim zuk khaan songah bawn hnak khiah hmu aw hang sim? Ziangmanti fangin amahte in, ‘BAWIPA in kin hmu lo ngawn i. BAWIPA in kin ram khiah kin zam sah zo i.’ti in ti i.”ti in i rel i.
13Ciafangin BAWIPA in i hnenah, “Her leh tu thio lai amahte in ningdulkul a lian hngehnge bawnhnak khiah hmu tuh i si.”ti in i ti i. 14Ciamanin amah in BAWIPA inn saklam kawldawngkham ah i kawih i. Ciafangin ciata ah nupuite khiah Tammuz kah in to tlang khiah hmu ai thin i tok rauh i.
15Ciafangin amah in i hnenah, “Aw mi fapa, he khiah hmu aw sim? Her leh tu thio lai he hnak in ningdulkul lian amam khiah hmu tuh i si.”ti in i ti i. 16Ciafangin amah in BAWIPA inn ai tualvan songta sawnah i kawih i. BAWIPA temple dawngkham ai awlta le donsuk laklawh ah minung kul hluan nga tluk khiah Bawipa temple khiah zangtak in amahte hmai khiah nisuah hmunlam ah hawi in ni bia hnelhno khiah hmu ing.
17Ciafangin amah in i hnenah, “Aw mi fapa, he khiah hmu aw sim? Judah mite in he ta ah ningdulkul a bawnhnak khiah thu cik niu ngawn im? Ziangmanti fangin amahte in Israel ram khiah tawngdun hnak thawn dim ruai i. Ciafang in thin i raw ruai tuhin i tok tuhin let leh i. Amahte in thingkak khiah amahte hnar ah dah i. 18Ciamanin thinraw ngai in bawn tuh ve ing. I mit in zah tuh lo ing. Ning khai hio tuh lo ing. Amahte in i bil songah a cawm ngai in kap rinin, za sah tuh lo ing.”ti in ti i.
9Ciafangin BAWIPA in aw cawm ngai in i zak in au ai, “Jerusalem khua kiltute khiah a kut ah raaltawnghnak thilri thawn heta ah kawi tu seh.”ti in rel i. 2Ciafangin mi paruk khiah saklam hoi tu a cungta kawl dawngkham hmunlam in a kut ah raaltawng hnak haihpui pakhat ten sinin dak vut i. Amahte lakai pakhat pa khiah pon sau ngai sil ai a nak ah lainganhnak dip vawh i. Anite khai lut ai dar thawn bawnhnak awlta hiang ah ding i.
3Ciateng in Israel mite Pathian thangphathnak khiah a um awng hmun cherub hnenin tlan ai temple dawngkham ah thawn i. Ciafangin amah in pon sau ngai sil ai lainganhnak dip vawh tu pa khiah ko ai, 4BAWIPA in amah hnenah, “Jerusalem khua, khua songah feh tulai, cia khua songai ningdul kul hmuahhmuah bawn manin lungsia ai kap tute calpang ah hnikhnaihhnak khet tu.”ti in rel i. 5Cen a dang te hnenah ii zak in, “Amah khiah hlun tu i lai, rek tuu-ih. Ning mit in zah mah ih. Ning khai hio mah ih. 6Patar, tlangval, fenu le naupang le nupui te khiah a vuva in rek tu sio ih. Ikhalselai hnikhnaihhnak nai tute hiang ah tu kawi mah ih. I temple hmunin pan tuu-ih.”ti in ruai i. 7Ciafangin amah in amahte hnenah, “Temple khiah rim ruai tuu-ih. Tualvante khiah mi thi thawn dim ruai tuu-ih. Feh tuu-ih.”ti in ruai i. Ciafangin a nite khai suak ai khua songai mite khiah rek i.
8Ciatih in amahte in amahte khiah rek lakin kaimah lek in i um siang i. Ciafang in kai khai i hmai ah bok ai, “Aw, BAWIPA Pathian, Jerusalem khua songah na thinraw hnak khiah bur in Israel mite a taanghnak lam khiah a veksenin rek tuh i sim?” ti in kap kong in zawt ing. 9Ciafangin amah in i hnenah, “Israel mi le Judah mite sualhnak khiah a rauh ngai in lian i. Israel ram khai rek dun hnak thawn dim i. Jerusalem khua khai sualhnak thawn dim i. Ziangmanti fangin amahte in, ‘BAWIPA in Israel khiah zam lio ai, BAWIPA in kin hmu lo ngawn i.’ti in rel i. 10Ciamanin i mit in amahte khiah zah tuh lo ing. Ning khai hio tuh lo ing. Ikhalselai amahte sualhnak khiah amahte lu vum ah rul tuh ing.”ti in ti i. 11Ciasawng fangin pon sau ngai sil ai a nak ah lainganhnak dip vong tu pa in, “Na ruaihnak bangin bawn zo ing.”ti in report pe i.