1Ciafangin Teman mi Eliphaz in,
2 “Mi pakhat in thu kam khat na rel selai,
naa na haih tur im?
Ikhalselai aisu in pong lo in um thill tuh i?
3 Nangmah in mi tamngai khiah
thucuk awng rori i si.
Kut thaunau te khiah thahat ruai awng zo i si.
4 A bah tu pa khiah na ponka thawn
amah khiah kham ben i si.
Khuuk ruh thanaute khiah thahat ruai zo i si.
5 Ikhalselai tunin na vumah hleng fangin,
na cawl i.
Na tok ai, rim na su i.
6 A hman in nung manin thin na muang lo im?
Cen a dikcang ai na nung manin
ummhnak nai tuh lo i sim?
7 Hih tu cuk law, mawh lote khiah rall awng
awm?
Mi dikcangte khiah rek awng awm?
8 Kaimah in hmu bangin, sualhnak sel tute le
a pha lo cing tute in ciabang rongkhawm ve i.
9 Amahte khiah Pathian haihawh in rek i.
Amah thinraw haihawh thawn amahte khiah
cimpil berh i.
10 Chintit te in huk le nger napui ai
cia chintit a no te kam khiah ek berh i.
11 Chintit tarte khiah sa ei tuh um lo manin thi i.
Chintit nu fate khai piak berh i.
12 I hnenah thu pakhat khiah a thup niu in hleng i.
I naa in a hiohio ai relhnak cia thu khiah za i.
13 Mite khiah mitmu sung ngai in mitmu teng in,
thin hnaihnok kul khiah zanlai i mang in man ai,
14 I vumah lauhnak hleng ai,
I lau ze in i ruh veksen in thing biakbo i.
15 Rauhla pakhat khiah i hmai in kawi ai,
i ruang ai i hmulte khiah ding sio i.
16 Cia rauhla khai ding meng ai,
a ciang in hmu thill lo ing.
I hmai ah hmuihmel pakhat khiah hmu ing.
Ciafangin zaikhai dap liang i.
Ciale aw pakhat in,
17 ‘Minung khiah Pathian hnak in dikcang sawn thill im?
Minung khiah a Bawntu Pa hnak in
ciang sawn thill im?
18 Pathian in a hnenumte rin sang hlahlekhaw,
a hnenumte khiah sual fangin cawh lekhaw,
19 Laisawr inn songai umtute tu
zaitluk tam am in cawh tuh i?
Ziangmanti fangin hete innham tu
laivut vumah sahnak i.
Amahte khiah pelep hnak in nawi lio in seu bai sawn i.
20 Amahte khiah zing in zan lam tian
a cik niu niu in khoi sio ai amahte khiah
aisu in khai zainam lo pahin kumzangza in rall berh i.
21 Amahte buk zarhnak rihual khiah phai sah
manin amahte khiah fimhnak nai lo in thi lo im?