4Ning lakah tawngdunhnak le hauhnak khiah a kon in dak i? Ning taksa daihhnak manin ning pumpuite in tawngdun ai ciamanin tawngdunhnak le hauhnak suak i lo im? 2Ningte in ning daihhnak khiah ngah thill lo i si. Ciamanin rek- dun i si. Ning ir napui ai ngah thill lo i si. Ciamanin tawng ai raaltho i si. Nai lo i si. Ziangmanti fangin ningmah in ngen lo i si. 3Ngen napui ai ngah lo i si. Ziangmanti fangin ning taksa pum daihhnak ah hmang tuhin ngen khelh i si. 4Rinsantlak lo misualte! Laivum thawn rual- dun tute khiah Pathian thawn raaldun i ti ling lo i sim? Ciamanin laivum thawn rualdun nuamte in amah veve khiah Pathian raal cang ruai i. sCia ihlahselai Lai Cianghlim in, “Kin songai umtu Ciang Rauhla in iksik tiantian in kin it i.” ti ai relhnak khiah a lovang i ti in mat i sim? 6Ikhalselai amah in ngaihharhnak khiah a tarn am in pe i. Ciamanin amah in, “Pathian in mihngalte khiah el i. Ikhalselai thinniamte hnen ah ngaihharhnak pe i.” ti in rel i. 7Ciamanin ningmah veve khiah Pathian kuthnia ah um tuu-ih. Khua- vang khiah tawng tu i lai ning hmunin tlan tuh teu i. ‘Pathian khiah nong tu i lai amah in khai ning nong tuh ve i. Ning kut khiah som tuu-ih, misualte. Ning thinlung khiah ciang ruai tuu-ih, thinlung panih nai minungte. 9Rimsu le limgsia le kap kongin um tuu-ih. Ning hnihnak khiah kaph- nak in can tuu-ih. Ning anghnak khiah thinhnawmhnak in can tuu-ih. 10Ningmah veve khiah Pathian hmai ah niam tu i lai amah in ning do tuh i.
11Ulenaute, pakhat le pakhat khiah siatdun mah ih. A unau siattu le a unau thukhan sah tu pa in upadi dan siat ai upadi dan khiah thukhan sah i. Ikhalselai upadi dan khiah thukhan sah leisikaw ningte khiah upadi dan hluntu i lo ai thukhantu i si. 12Upadi dan pe tu le thukhantu pakhat lek um i. Amah lek in o khai o ben hnawm khai hnawm ruai ben i. Na ompui thukhan sah tu nang tu aisu i si?
13Tunnia le thangha ah cia khua ah feh in ciata ah kum khat umin sumpai in a miat bawn tuh i ing ti ai reltu, ta ah kawi tuu-ih. 14Thangha thu khiah ling rin ling lo i si. Ning nunhnak khiah zai vuah i si? Ziangmanti fangin ning nunhnak khiah campuikhat dak rih ai pai leh thai mairo bang i. 15Ciamanin, “Bawipa lungkhim lekhaw kin nung tuhai he i tu seh, khia i tu seh bawn tuh i mg.” ti in ti tu sawn ih. 16Ikhalselai ning tumnhnak khiah a hngalngai in tluangkhawng ai rel i si, Ciabang tluangkhawng khiah pha lo i. 17Ciamanin mi pakhat in a hman bawn tuh ling napui ai bawn hlah lekhaw amah lakah cia khiah sualhnak i.