<< REVELATION 8 >>
8Tufa niu in a pasarihhnak tacik hong fangin, vancung ah nazi a khuai tha dapkhep i. 2Ciafangin Pathian hmai ah vancung mite pasarih ding hmu ing. Amahte khiah thirhlung pasarih pe i. 3Ciafangin a dang vancung mi pakhat khiah zihmui sui bel thawn kawi ai awlta cabuai hiang ah ding i. Kumpibawi tauhkheng hmai ai sui thawn khuthnak awlta cabuai vumah mi cianghlim hmuahhmuah sawngenhnak thawn rawih tuhin rimhmui tamngai khiah a hnenah pe i. 4Ciafangin rimhmui khuu khiah mi cianghlimte sawngenhnak thawn Pathian hmai ah cia vancung mi kut songin zuang i. 3Ciafangin cia vancung mi in cia zihmui bel khiah lang ai awlta cabuai ai mai thawn thun ai laivum ah sep i. Ciafangin khuari dumdo ai thawngvang aw cawm ngaingai le vantling tlaleuh le hlinhlin hleng i. 6Ciafangin thirhlung pasarih naitu vancung mi pasarihte in thirhlung tum tuh in raking i. 7A hmasaber vancung mi in a thirhlung tum ai, rial le mai khiah thi thawn cok in laivum ah tla i. Ciafangin laipua hmunthum khan hmunkhat khiah kang sek ai, thingkung hmunthum khan hmunkhat khai kang sek ai hampa hing hmuahhmuah khai a veksen in kang sio i. 8A panihhnak vancung mi in a thirhlung tum ai, mai thawn. kang hluahlo mualtlang lianpui bang pakhat khiah tipui songah lon i. 9Ciafangin tipui khiah thi cang ai tipui song ai nunghing hmunthum khan hmunkhat khai thi sio ai timbaw hmunthum khan hmunkhat khai hnawm berh i.
10A pathumhnak vancung mi in a thirhlung turn ai, vancung in arsi lian ngai pakhat khiah maifar bangin ko hiangho kongin tlok ai runti le cirhti hmunthum khan hmunkhat vumah fu i. 11A hming khiah Thingkha ti in ko i. Ti hmunthum khan hmunkhat khiah kha berh ai mi a tamngai khiah cia ti kha manin thi sio i.
12A palihnak vancung mi in a’ thirhlung tumai, ni hmunthum khan hmunkhat le hla hmunthum khan hmunkhat le arsi hmunthum khan hmunkhat khai seu ai amahte varhnak hmunthum khan hmunkhat khiah thim berh i. Sunlai hmunthum khan hmunkhat le zan hmunthum khan hmunkhat khai khuavar lo in um i. 3Ciafangin kai khai sik ai van laiteng ah mudokka khiah a zuang kongin aw cawm ngai thawn, “Vancung mite pathum ai turn tuhhnak thirhlung aw pau fangin laivum mite khiah rimsu tuh i, rimsu tuh i, rimsu tuh i.” ti in au za ing.
<< REVELATION 8 >>