Revelation 17

<< REVELATION 17  >>

17Ciafangin bel pasarih naitu vancung mi pasarih lak ai vancung mi pakhat khiah i hnenah kawi ai, “Kawi tu lai, ti tam ngai vumai totu a lian ngai phatemah nuu cawhkuan khiah na hmuh ngang. ²Cia phatemah nuu thawn laivum kumpibawite in nulepa sualhnak bawn ai nulepa sualhnak capittizu thawn laivum ai umtu minungte khiah ri ruai ti in i rel i. ³Amah in kaimah khiah hampalakah CiangRauhla songin i phur ai nupui pakhat khiah ramsa san vumah to khiah hmu ing. Cia ramsa san khiah Pathian zauhsuamhnak hming thawn dim lio i, Cen cia ramsa in lu pasarih le ki sawmkhat nai i. ⁴Cia nupui nuu khiah pon num le pon san sil ai, sui le hlawnthil le lungvar mankhung khiah awr i. A kut songah ningdulkul thil le a cianghlim lo nulepa sualhnak thawn dim sui khuat sin i. ⁵Cen a calpang ah, “PHATEMAH NUU LE LAIVUM AI NINGDULUK HMUAHHMUAHTE AI NUU A LIAN BABYLON.” tihnak thuthup hming nganhnak khai um i. ⁶Cen cia nupui nuu khiah mi cianghlimte thi le Zisu ca ai rekhnak tuartute thi thawn ri khai hmu ing. Cia nuu khiah i hmu fangin ngaihsun i ur ngai i.

⁷Ikhalselai vancung mi in, “Zaiman in ngaihsun na ur i? Nupui nuu thuthup le a phurtu Iu pasarih le ki sawmkhat naitu ramsa thuthup khiah na rel ngang. ⁸Na hmuhnak ramsa khiah he hlanah um awng rih ai tunin um leh lo i hang. Amah khiah rawnthuk ngai songin suak tuhai hnawmcan hmun ah feh tuh i. Laivum po ngom ai panin nunhnak ca-uk songah amahte hming khum lohnak laivum mite in cia ramsa hmu fangin ngaihsun ur tuh i. Ziangmanti fangin cia ramsa khiah hlanlai ah um awng ai tunin um nawn lo ai tunhnua ah hleng leh tuh i lai. Tie ca ah fimhnak thawn dim thin lung nai kul i. A lu pasarihte khiah nupui nuu to hmun mualtlang pasarih i. ¹⁰Cen amahte khiah kumpibawi pasarih i. Pan­gate tu tlok zo sek i hang. Pakhat tu kumpibawi tuan teng i. Pakhat tu hleng lai lo i. Cen amah khiah hleng fangin campuikhat lek uk tuh i. ¹¹Cen he hlanah um awng rih ai tunin um leh nawn lo ramsa khiah a pariat hnak i napui ai a pasarihhnak pa ai i le amah khiah hnawmcanhnak hmunah feh i. ¹³Cen na hmuhnak kisawmkhatte khiah kumpibawi ukhnak ngahlai lo kumpibawi sawmkhatte i. Ikhalselai amahte in ramsa thawn kumpibawi bangin nazi pakhat song ana nai ruai tuh i. ¹³Hete in thinkhat in um tuhai amahte power le ana khiah ramsa hnenah pe tuh i. ¹⁴Amahte in Tufa niu tawng tuhai Tufa mu in amahte khiah neh tuh i. Ziangmanti fangin amah khiah bawi hmuahhmuah ai Bawipa le kumpibawi hmuahhmuah ai Kumpibawipa i ai amah thawn umtute khiah a kohnak le a rilhnak le a rinsan tlak mite i.” ti in i rel i.

¹⁵Cen cia vancung mi in i hnenah, “Phatemah nuu tohmun na hmuhnak ti te khiah minungte le mi runpui le mi phun hmuahhmuah le pon phun caahgcaang pongtu minungte i. ¹⁶Cen na hmuh­nak cia ramsa vumai ki sawmkhat in cia phatemah nuu khiah hua tuh i. Amahte in cia nuu khiah hnawmcan tuhai kongkolh in dah tuh i. Cia nuu sa khiah amahte in ei tuh ai mai thawn tai tuh i. ¹⁷Ziangmanti fangin Pathian a daihhnak khiah khim tuhin cia khiah Pathian in amahte thin songah dah sah ai amahte kumpibawi power khiah Pathian thu khim hlan hmuah ramsa hnen khiah bawm ai laipua in a kaa hong ai rulpui in a kaa ai phuthnak runti pui khiah laipua in dut berh i. ¹⁷Ciafangin rulpui khai nupui nuu lakah thinraw rauh ai ani khai Pathian thiikham hluntu le Zisu hnenah tettikhantu cia nupui nuu fasuante khiah tawng tuhin feh ai ani khai tipui runsiat vumah ding i.

<< REVELATION 17  >>