13Pakhat le pakhat khiah ulenau bang in it dun tuu ih. 2Mikhualte khiah phanniu in sik tuh hai mah ih. Ziangmanti fangin mi hrekkhatte in vancung mite khiah ciatih bangin linglo in tuamhlawm ngah i. 3 Thawng songai umtute khiah amahte thawn thawng songah umkhat bang in lo hih tuu ih. Cen rimhnak tuartute khai ningmah in tuar bangin lo hih tuu ih. Mi veksenin upat thai in hoidun tuu ih. Cen hoidun hmun khuahluan khiah rim ruai mah ih. Ziangmanti fangin Pathian in nulepa sualhnak bawntute le mi cianghlim lote khiah cawh tuh i. 5Tangka daih ze in nung mah ih. Ning nai hnak thawn lungkhim in um tuu ih. Ziangmanti fangin Pathian in, “Zaikom in khai na hlum tuh lo ing. Zaikom in khai na zam tuh lo ing.” ti in rel zo i. 6Ciamanin kinte in thinkho ngai thawn, “Bawipa khiah i bawmtu i. Ciamanin i lau tuh lo i. Mite in zai i ti thill tuh i?” ti in pong thill i sing.
7Pathian thu ning reltu le kong ning hoitute khiah hih tuu ih. Amahte nundan khiah sik in amahte sanghnak bangin cung tek tuu ih. 8Zisu khiah mania le tunnia le kumzangza in a bangpah tio i. 9Thu phun caangcaang in ning thiar zel ma seh. Ziangmanti fangin ning thinlung khiah rong thawn dim ruai lo in ngaihharhnak thawn dim ruai tuu ih Ziangmanti fangin cia bang rongei tute in zai hnempuihnak khai ngah lo i. 10Tabemacle buk songai napertute in– ei thill lohmun awlta cabuai nai i sing. 11Phungki pa in sualhnak ca ai hlu tuhin Pathian biahmun khaan songah a ramsa thite khiah kawih ai cia ramsate khiah buk pua ah mai in tai i. 12Ciamanin minungte khai amah thi thawn cianghlim ruai tuhin Zisu khai kawldawng pua ah thi tuar i. 13Ciamanin kinte khai buk pua amah hnenah feh in amah ca in zauhsuamhnak tuar nga sing. 14Ziangmanti fangin heta ah kumzangza hnawm thill lo khuapuai nai lo i sing. Ikhalselai a hleng tuh lai khuapui khiah sii i sing. 15Ciailekhaw amah songin Pathian hnenah anhnak a hlu khiah kin kaa thawn a hming khiah rel kong in a catlo in hlu tio nga sing. 16A pha naper tuh le hmunthiam tuh khiah hai mah ih. Ziangmanti fangin cia bang a hlu khiah Pathian daihhnak i. 17Ning konghoitute khiah a thu ngai in a kuthnia ah um tuu ih. Ziangmanti fangin amahte in ning ca ah tavuan ning khan sah ai ning rauhla khiah . kil ning khawl sah i. Amahte in he na khiah lungsia kong in per lo in ang kong in lo per tu seh. Cialo fangin zaikhai ning hnempui tuhfo i. 18Kin ca in saw kin nget tuu ih. Ziangmanti fangin kin ruathnak khiah cianghlim i. Ciamanin zai hmuahhmuah khiah upat tlak ai per kin nuam i. 19Ning hnenah a rang in i kawih leh thai in saw i nget tuhin ning ngen ing.
20Tunin kumzangza thukham thi thawnin a lianber tukhaltu kin Bawipa Zisu khiah thihhnak in nung ruai lehtu Pathian remhnak in J,Ningte in a daihhnak bawn tuhin na pha thawn lo ning dim ruai tu seh. Zisu Khrih songin a hmai ah a lungkhim kul in ning songah Pathian in na lo per tu seh. Amah hnenah thangphathnak khiah kumzangza lo urn tu seh. Amen.
Ulenaute ning so ing: I thusohnak khiah thinsau kongin ngai tuu ih. Ziangmanti fangin a comniu in lai ning kuat ing. 22Kin unau Timote khai thawng songin suak zo khiah ling tuu ih. Amah khiah hleng zual lekhaw amah thawn ning tlawng tuh i ing. 34Ning konghoitute le mi cianghlimte hmuahhmuah khiah a veksenin hnuk lo sat tuu ih. Italy ai hleng tute in hnuk ning sat i. 35Ngaihharhnak khiah ning veksen hnenah um tu seh. Amen.