11Cen sanghnak khiah zai i ti fangin kin ummhnak thilte khiah thinmuang ruaitu, mit ai hmu thill lote khiah a ngaingai in um i ti ai tettikhan tu i. 2Ziangmanti fangin amahte sanghnak manin he hlan ai minungte in Pathian lungkhimhnak ngah i. 3Sanghnak in van le laipuate khiah Pathian thu ai bawnhnak i ti in ling i sing. Ciamanin mit ai hmu thillhnak thilte khiah mit ai hmu thill thilte thawnai bawnhnak i lo i. 4Sanghnak in Abel in Pathian hnenah Khain hnak in a pha sawn a hlu khiah hlu ai Abel khiah dikcang i ti in Pathian in tettikhan ai a hlu khiah saang sah i. Amah khiah thi zo napui ai a sanghnak songin amah in pong ngio i lai. 5Sanghnak in Enok khiah thi lo in vancung ah kai pui teu i. Ciamanin amah khiah tawk thill lo i. Ziangmanti fangin amah khiah Pathian in lang te i. Cen amah lang hlanah amah in Pathian lungkhim ruai i ti in tetti khanhnak um i. 6Cen sanghnak lo in Pathian lungkhim ruai thill lo i. Ziangmanti fangin Pathian hnenah kawitute in Pathian um i ti in sang tu seh. Cen Pathian sii tute khai amah in lehsawng tham i ti khai sang tu seh. 7Sanghnak in Noah khiah mit in hmu napui lo ai a cang tuhhnak thilte khiah Pathian in relcia manin a relhnak thu khiah ngai ai a innkua ohnak tuhin timbaw pakhat sa i. Cia timbaw thawn amah in laivum khiah hlum ai sanghnak mania hlenghnak ro co i.
8Sanghnak in Abraham in amah khiah kumzangza roco tuhhnak ram ah feh tuhin ko fangin cia kohnak khiah ngai i. A vakhmun ram khiah ling napui lo ai ani khai feh teu i. 9Sanghnak in ani khai thukhamhnak ramah mikhual bangin um ai -midangte khuato hmun ram inapui ai ciaram ah buk khiah sa ai amah thawn a thukhamhnak cotu tu tuh Aizek le Zakuk kawmin um tlang i. 10Ziangmanti fangin amah in’ Pathian sahnak le a paihnak le a hamsahnak khuapui khiah umm ngai in hlir i, 11Sanghnak thawn Sarah khiah kum luan zo napui ai facawi- hnak tuh huthawm ngah i. Ziangmanti fangin a thukhamtu pa khiah a sangtlak i ti in ruat i. 12Ciamanin a thi thawn bang teng dawn mi pakhat songin van ai arsi zah in tarn ai a siar zolo varkam ai runsiat bangin a tesin fate khiah suaki.
13He mite in thukhamhnak khiah co ngah lo pahin Pathian sang kongin a veksenin thi sek i. Ikhalselai amahte in cia thukhamhnak khiah a hlangai in hmu ai caang ai he laivum ah amahte khiah mikhual le mi hnawthnak mite ti ling kongin thi sek i. 14Ziangmanti fangin amahte suakhmun ram khiah ruat i selai amahte in cia ram ah tlung lehhnak tuh khuan ngah tuh napui i. 16Ikhalselai amahte in a pha sawn ram vancung ram daih sawn i. Ciamanin Pathian khiah amahte Pathian ti ai ko tuh khiah zakthi lo i. Ziangmanti fangin Pathian in amahte ca tuhin khuapui pakhat bawt zo i.
17Abraham in cuhnak tuar fangin a sanghnak manin Aizek khiah hlu ai thukhamhnak ngahtu cia pa in a fapa pakhat lekniu hlu lio i. l8Cia Aizek khiah, “Aizek songin na tesin fate khiah hming sa tuh i.” ti ai relhnak pa i. 19Pathian in minungte khiah thi zo rinin tho ruai ben i ti khiah Abraham in sang i. Thihhnak in tholehhnak thu khiah ling thilhnak tuhin Abraham in Aizek khiah a nung in ngah leh i. 20Sanghnak in Aizek in Zakuk le Esau hnenah a hleng tuh laihnak hmuifu pe i. 21Sanghnak in Zakuk khiah thi riaro fangin Joseph fate hmuifu bur ai a faikiang lu khiah hngai kongin Pathian bia i. 22Sanghnak in Joseph khiah a nunhnak bo fangin Israel minungte vai leh tuhhnak thu rel ai a ruhte thu khai relcia i. 23Sanghnak in Moses khai te fangin a paate in hla thum song thup i. Ziangmanti fangin amahte in cia nausen niu khiah a mawi ngai i ti khiah hmu i. Amahte in kumpibawipa thusuah hnak khiah kih lo i. 24Sanghnak in Moses khiah khang fangin Pharoah fenu ai fapa ti ai ko tuh nuam lo ai 25Pathian minungte thawn rimhnak tuar tuh khiah campuikhat sualhnak thawn nun- nuam hnak tahin hiam sawn i. 26Amah in Khrih ca ai zauhsuam hnak tuar khiah Izip ai hlawnthil hnakin man nai sawn in ruat i. Ziangmanti fangin amah in cia lehsawng iang i. 27Sanghnak in amah in Izip ramin tlan ai kumpibawipa thinrawhnak khiah lau lo i. Ziangmanti fangin mit ai hmu thill lo pa khiah mit in hmu bang tluk in amah in rimsu tuar i. 28Sanghnak in amah in Passover khelhnak puai bawn ai fapa te hmasaber Hnawmcantu pa in amahte khiah khing ma seh ti in thi phiah i. 29Sanghnak in Israel minungte in Tipui San khiah lairo vumah vak bangin tan i. Ikhalselai Izip mite in ciatih bangin tan turn fangin ti in lan berh i. 30Sanghnak in Jerikhu khua kulhnak sen khiah Israel mite in ni sarih song kimvel fangin tlu berh i. 3‘Sanghnak in phatemah Rabah khiah thusang lotute bangin thi lo i. Ziangmanti fangin amah in cungthauhte khiah phanniu in sik i. 32Zaizah rel rih ngang? Ziangmanti fangin Kideon, Barak, Samson, Jephthah, David le Samuel le profette thu rel tuh khiah a cu in tham tuh lo i. 33Ciate in amahte sanghnak manin kumpibawi ram khiah neh ai, dikcanghnak thawn uk i. Thukhamhnak khiah ngah ai chintitte ka khiah com ruai i. 34Maikang biakbo khiah hmit ruai ai vangsau hmunin hlat i. Thanai napui lo ai thahat ruai i. Raalpha ngai in raaltawng i. Ramdang raalkapte khiah neh sio i. 35Nupuite in a thi zote khiah a nung in ngah leh i. A hrekkhatte in a phasawn tholehhnak songah tho tuhin rimhnak khiah tuar ai luathnak khiah saang nuam lo i. 36A dangte in zauhsuam hnihci- phnak le vithnak le thirri thawn penhnak le thawngtlahnak tianin tuar i. 37Amahte khiah lungto in sephnak tuar i. Turn nih in hluah ai at hnak le vangsau thawn rekhnak khiah tuar i. Amahte khiah tu le me hmul sil in a lolek in ziang khai nai lo in urn ai rimsu le tihhrimhnak tuar kong in vak i. 38Ciate ca ah laivum khiah tlak hrimhrim lo i. Nelrawn le mual lakah le khu songah le laipua song ai kua song caang ah vai i.
39Hete a veksenin sanghnak nai khiah lar napui ai a khamhnak thu. khiah co lo i. 40Ziangmanti fangin Pathian in kin ca tuhin a phasawn thilri khiah kin haih sah zo i. Ciamanin kinte tel lo in amahte in cianghlimhnak khiah a khim in ngah thill lo i.