4Ciafangin Boaz khai kawl dawngkham ah kawi ai ciata ah to i. Ciafangin Boaz ai relhnak unau nong sawn pa khiah hleng i. Ciamanin Boaz in amah hnenah, “I rual, heta ah kawi tulai to tu.”ti in ti i. Ciamanin ani khai kawi ai to i. 2Ciafangin Boaz in khua upa sawmkhat khiah kawih ai amahte hnenah, “Heta ah to tuu-ih.” ti in ruai i. Ciafangin anite khai to i. 3Ciafangin Boaz in cia a nong sawn unau hnenah, “Moab ramin tlung leh tu Naomi in kin unau Elimelek in ram pakhat zuar i. 4Hetih in na rel tum ing: ‘I khuapui le i upate hmai ah cia ram khiah tlanh leh tu. Tlanh na nuam lekhaw, tlanh tu. Tlanh na nuam hlahlekhaw i rel tulai ling i nuam i. Ziangmanti fangin a tlanhtu tuh nangmah lo mi dang um lo i. Kaimah khiah na son tu ing.” ti in rel i. Ciapa in, “Tlanh tuh ing.” ti in ti i. 5Ciafangin Boaz in, “Naomi le a thi pa nu Moab mi Ruth kut songin cia lo khiah na lai nia ah a thi pa hming khiah a ro songin pai lohnak tuh in a thi pa hmaitong nuu khai nu tuh i si.” ti in ti i. 6Ciafangin cia a nong sawn unau in, “I ro i rall mawh ngai, tlanh thill lo ing. Nangmah in tlanh tu hang, ziangmanti fangin kaimah in tlanh thill lo ing.” ti in ti i.
7He hlanlai ah Israel ramah thil tlanh dun le thleng dun fangin a tetti ca in pakhat pa in a kedawl khiah hawk ai pakhat pa hnenah pe de i. Ciatih bangin Israel ramah tettikhan dun de i. 8Ciafangin a nong sawn unau in Boaz hnenah, “Nangmah in lai tu.”ti in ti ai a kedawl khiah hawk i. 9Ciafangin Boaz in mi upate le mite veksen hnenah, “Tunnia ah Naomi kut in Elimelek le Chilion le Mahlon ai naihhnak hmuahhmuah khiah a veksen in lai zo sio khiah i tetti i si. 10Ciazolo ah, a thi pa khiah a ro songin pai lohnak tuhin le a thi pa khiah a unau songin le khua songai laikhumhnak cauk songin pai lohnak tuhin, Mahlon nu Moab mi Ruth khai nu tuh ing. Ningte khiah tunnia ah tetti i si.”ti in ti i. 11Ciafangin cia kawl dawngkham ai mite le upate veksenin, “Kinte khiah a tetti i ing. Na inn ai tlung tu nupang khiah Israel inn sa tu te panih Rachel le Leah bangin Bawipa in bawn tu seh.
Efrathah ah na zaai in Bethlehem ah hming na thang tu seh. 12Bawipa in he nu songin na pe tuhhnak na fa manin na inn khiah Tamar in Judah thawn naihnak Perez inn bangin i tu seh.”ti in ti i.
13Ciamanin Ruth khai Boaz nu cang i. Amah thawn itkhat fangin Bawipa in Ruth khai naupaai ruai ai pasal niu in te i. 14Ciafangin nupuite in Naomi hnenah, “Bawipa khiah hmuifu tu seh. Ziangmanti fangin Amah in a nong sawn unau khiah tunnia ah na hlup lo in na dah lo i. A hming khiah Israel ram songah lo thang tu seh! 15Na nun khiah na sau ruai in na tar fangin lo na cawm tu seh. Ziangmanti fangin fapa pasarih hnak ai pha sawn na it tu na fenu in amah khiah cawi zo i.”ti in ti i. 16Ciafangin Naomi in cia nausen khiah a kaang ah cawi ai len i. 17Cen a ompui nupuite in khai a hming sa ai, “Naomi hnenah fapa pakhat te i.” ti in ti i. A hming khiah Obed ti in ko i. Amah khiah Jesse paa i ai Jesse khiah David paa i.
18He khiah Perez tesin fate i: Perez in Hezron nai i; 19Hezron fapa Ram, Ram fapa Amminadab; 20Amminadab fapa Nahshon, Nahshon fapa Salmon; 21Salmon fapa Boaz, Boaz fapa Obed; 22Obed fapa Jesse, Jesse fapa David i.