Job 32

<<  JOB 32  >>

1Job in amah veve khiah mi dikcang in hmu ngio manin, he mite pathum in khai Job khiah sawn awl i. 2Ciafangin Ram songkhat songai Buz mi Barakhel fapa Elihu khai Job vumah thinraw i. Ziangmanti fangin Pathian sawn in Job khiah mawh lo i, ti lo ai, Job sawn in amah veve khiah mawh lo ing ti man Elihu khiah thinraw i. 3Cen a rualte pathum lakah khai thinraw i. Ziangmanti fangin amahte in a sawn khai thiam lo napui ai, Job khai mawhhluk i.

4Amahte khiah Elihu hnak in kum tam ngai upa sawn manin, Elihu khai Job hnenah pong tuh khiah iang i. 5Hete pathum in sawn thiam lo khiah Elihu in hmu fangin, ani khai thinraw i. 6Ciaman in Buz mi Barachel fapa Elihu in,

   “Kaimah khiah kum naupang ing.
Ningte khiah ning tar i.
Ciamanin i lau ai, i ruathnak khiah ning rel ngam lo ing.

7  Kaimah in, ‘Kum tampui naite in pong pha i.
Kum tampui naite in fimhnak khiah cuk pha i.’ ti in ruat ing.

8  Ikhalselai minung songai a Cungnung Pathian ai
haihawh  pehnak rauhla in lingthiamhnak pe i.

9  Mi kum tarte khiah fim tio lo i.
Cen kum tarte in thu dikcang khai ling tio lo i.

10 Ciamanin kaimah in, ‘I thu i ngaai tuu-ih.
I ruathnak ning rel ve ngang.’ ning ti ing.

11 Ning thurelhnak khiah ning iang ing.
Ziang rel tuh ti in ning ruat kongin
ning thuruat dan khiah ning ngaai sah ing.

12 A kung niu in ning thu khiah ning ngaai sah ai,
aisu pakhat bangin khai Job khiah mawhhluk ben lo i si.
Sawn khai sawn ben lo i si.

13 Ning te in, ‘Fimhnak tawk zo i ing.’ ti in rel ngah  pang i si.
Amah khiah minung sawnin neh tuh lo ai,
amah khiah Pathian lek in neh tuh i.

14 Job in a thu khiah i hnenah i rel lo i.
Ciamanin ning relhnak ning thu thawn
amah khiah sawn tuh lo ing.

15 Amahte khai a thin tawp manin
Job khiah sawn awl i.
Amahte in pong tuh ling nawn lo i.

16 Amahte in pong awl ai a dapniu in ding tlang ai
Job khiah sawn nawn lo man hangin,
kai in khai iang ing.

17 Kai khai thurel tuh ve ing.
I ruathnak khiah rel tuh ve ing.

18 Ziangmanti fangin pong tuh tamngai nai ing.
I songai i rauhla in i ruai bel i.

19 I pumpui khiah a sin meng capittizu bang i.
Capittizu khawi hmun palang thar bangin i puak tum i.

20 I puak lawm thai in pong tuh lio ing.
I kaa khiah hong in sawn tuh ing.

21 Aisu khai danghan hnak nai tuh lo ing.
Aisu khai uar tuh lo ing.

22 Ziangmanti fangin mite khiah uar  thiam lo ing.
Mite khiah uar inglai i Bawntu Pa in i lang mawh lio ngai.

<<  JOB 32  >>