Job 28

<<  JOB 28  >>

1  Ngun khiah laipua songin khuarhnak i.
Sui te erhmun khai um i.

2 Thir khiah laipua songin cohnak i.
Dar khiah lungto songin erhnak i.

3  Minungte in khuathim khiah bo ruai i.
Khuathim songah le thihhnak hlaa hniaah
mite in a er tuh lungto khiah nuamhmun caangah sii i.

4  Mite umhmun in a hla ngai hmunah,
minung ke ai fon awng lo hmunah,
kua thuk ngai khiah co ai cia kua songah rihual leep in tolh i.

5 Laipua songin rong suak i.
Ikhalselai laipua kua songah tu mai ai kanghnak bang i.

6  Laipua songai lungto songin lungto mankhung safaia suak i.
Cen laivut lakah sui khai um i.

7  Cia lampui khiah vaniute in ling lo i.
Mudokka te mit in khai hmu awng lo i.

8  Chintitte in khai tlawh lai lo i.
A kihkul chintit in khai vak lai lo i.

9  A kut in lungto khiah seu i.
Mualtlang ham khiah amah in co i.

10 Amah in lung songah kua co ai,
cia lung songai a mankhung hlawnthil khiah a veksen in hmu i.

11 Rawnti khiah zu tuh lo in kham i.
A thup ai dahhnak thil khai khuavar ah suah i.

12 Ikhalselai fimhnak khiah a konah tawk thil i?
Linghnak khiah akonah um i?

13 Minungte in fimhnak le linghnak khiah
zaizah man i ti in ling lo i.
Cen minungte umhmun ramah khai um lo i.

14 Kua thuk songin, ‘I songah fimhnak um lo i.’ ti
Tipui in, “Fimhnak khiah i hnenah um lo i.’ ti

15 Fimhnak khiah sui thawn lai thil lo i.
Fimhnak lai tuhin ngun tangka khiah cuai in khai khaai zolo i.

16 Fimhnak khiah Ophir ai sui thawn lai thill lo i.
Lungvar onix le safaia in khai lai thill lo i.

17 Fimhnak khiah sui le hlalang thawn camra lo i.
Cen sui thawn bawnhnak thilri thawn khai thleng thill lo i.

18 Lungto mankhung le tipui songai lungsirte thawn santeh tuh um lo i.
Ziangmanti fangin fimhnak khiah ruby hnak in mankhung sawn i.

19 Ethiopia ai topaz lungvar khiah fimhnak thawn camra lo i.
Cen sui a cit thawn khai a man tuat zo lo i.

20 Cia ilekhaw fimhnak khiah akonin hleng pa?
Lingthiamhnak umhmun tang akonah um i?

21 Minungte veksen mit songin thup lio i.
Van ai vaniute hmunin khai khuk berh i.

22 Hnophnak le Thihhnak in,
‘Kin bil in fimhnak thu report khiah za awng i ing.’ ti in ti i.

23 Pathian in a lampui khiah ling sah i.
A umhmun khai ling i.

24 Ziangmanti fangin amah in laivum a tong tian
in sik ai vanhang hnia ai zai hmuahhmuah khiah hmu sio i.

25 Amah in hlivua khiah zaizah rit tuh i ti le
ti khiah zaizah i ti in tek ai

26 ruah khiah zaizah si tuh i ti in thukhan ai
tlektla hmun tuh lampui khiah bawn fangin,

27 Pathian in fimhnak khiah hmu ai larruai i.
Pathian in fimhnak khiah rem ai, cu i.

28 Ciafangin minung pa hnenah, Pathian in,
‘Bawipa kih hnak khiah fimhnak i.
Sualhnak hmunin tlan khiah lingthiamhnak i.’
ti in rel i.” ti in ti i.

<<  JOB 28  >>