Ezekiel 19

<<  EZEKIEL 19  >>

19 “Israel bawite ca in kahhnak laa ngan tu. 2Amahte hnenah,
‘Na nuu khiah chintit bang i.
Amah khiah chintit niu te lakah bual ai
Chintit niute khiah cawm i.

3  Amah in a niu pakhat khiah lang ai,
Chintit lian pui ah khang i.
Cia chintit pui in ramsate dawp dan khiah
zir ai minungte khiah dawp i.

4  Ram dang mite in a thu khiah za fangin
Amah khiah amahte kua songah thang in awk ruai i.
Amahte in amah khiah Izip ramah thirri thawn duk ai feh pui i.

5  Chintit nuu in a ummhnak bangin khim lo
ai a tumhnak bang in khim lo khiah hmu fangin,
A niu pakhat khiah lang leh thio ai
chintit lian pui ah khang ruai i.

Ani khai chintit pui ah khang man hang in,
Chintit dangte lakah leng ve i.
Ramsa dangte dawp dan khiah zir ai
Minungte khiah dawp i.

7  Amahte buanhmun inn khiah hnawm sah sio ai,
Amahte khua khai hnawmcan berh i.
Cia ram le a songai umtu mite khiah
a huk fangin lau rauh i.

8  Ciafangin a hiang cingkim ai ram dang mite khai,
A tawng tuh in kawi ai,
amahte sur khiah a vumah vorh ai,
amahte kua songah thang in awk ruai i.

9  Thirri thawn amah khiah ramsa hen hmun
thingkuang songah duk ai
Babilon kumpibawipa hnenah kawih i.
A hukhnak aw khiah Israel mual vumah
za tuh nawn lo in, amahte in amah khiah
sur thawn khuk in kawih i.

10 Na nuu khiah ning vuandum ai ti hiang ai
birhnak capit kung bang i.
Ti tam ngai manin amah in kak tam ngai in kak ai,
a haa ngai in thai i.

11 A kakte khiah kho ngai manin, mi-uk tu
faikiang rin in hmang tlak i.
Amah khiah a kak lian ngai ngai thawn in
tu lakai thingte hnak in saang sawn ai lar ngai i.

12 Ikhalselai thinraw in amah khiah phai lio ai,
laipua ah lon teu i.
Nisuah lamai hlivua in a thai khiah ro ruai berh i.
A lian ngaingai a kakte khai eksek ai voi sek i.
Ciafangin mai in kang sek i.

13 Ciafangin tunin amah khiah lai ro le tihal ram songah bir i.

14 A kak lianber pakhat songin mai suak ai,
a thai te khiah kang berh i.
Ciamanin amah in mi ukhnak tuhin,
faikiang pha a kak lian khai nai leh lo i.
He khiah kahhnak laa i ai kahhnak in hmang tuh i hang.

<<  EZEKIEL 19  >>