1 Jerusalem ai kumpibawipa David fapa,
Tazahaw saza relhnak thu:
2 Tazahaw saza pa in, “Thu lovang hmuah hmuah lakah thu lovang ber.
Thu lovang hmuahhmuah lakah thu lovang ber.
Zai hmuahhmuah khiah thu lovang i.”ti i.
3 Mi pakhat in vanhang hnia ai a naperhnak
hnelhno khiah zai hnempui i?
4 San khat khiah bo ai san dang hleng leh thio i.
Ikhalselai laivum khiah kumkhua in taang i.
5 Ni khai tlang ai ni khai tla i.
A suak hmun ah a rang in kawi leh thio i.
6 Hlivua khai hlanglam ah zuang i.
Ciafangin her leh thio ah saklam ah zuang i.
Hlivua khai a zomzet in zuang ai a pan
hmunah hleng leh thio i.
7 Runti khai a veksen in tipui songah luang i.
Ikhalselai tipui khai dim thill lo i.
Runti te khai amahte kawi hmunah let leh i.
8 Zai zongza khiah naper rimsu kul lo lek i.
Minungte in rel cawk lo i.
Mit in a hmu zah in thinkhim lo i.
Cen bil in khai za ai thinkhim nia um lo i.
9 A cang zohnak thil khiah cang leh tuh i lai.
A bawn sa zo khai bawn leh tuh i lai.
Vanhang hnia ah a thar ziang khai um lo i.
10 “Sik tu. He heh a thar i.” ti in rel thillhnak thil um awm?
Cia thil khiah hlanlai kin hlan ah lo um awng zo i.
11 Hlanlai ai thil te khiah aisu in khai hih leh lo i.
Cen a hleng tuhlai thilte khai cia hnua ai
hleng tu mite in hih tuh cuang lo i.
12 Tazahaw saza, kaimah khiah Jerusalem ah Israel mite kumpibawi i awng ing. 13Kai khai vanhang hnia ai bawnhnak hmuahhmuah khiah fimhnak thawn sii in ling tuhin tum ing. Zaitluk thilrit phur tuhin minungte khiah Pathian in pe i! 14Vanhang hnia ai na perhnak hmuahhmuah khiah a veksen in hmu zo ing. A veksenin thu lovang i. Hlivua pom tum bang teng i.
15 A konkaw khiah cang ruai thill lo i.
A samhnak khiah a siar ai siar zolo i.
16 Ciafangin i thin songin, “Kaimah khiah milian i cang zo i. Cen i hlanah Jerusalem ai umtu mite a veksen tahin fimhnak khiah ngah zo ing. I thinlung in fimhnak le ling hnak tamngai ling zo i.” ti in ruat ing. 17Ciafangin kai khai fimhnak le amhnak le voihak sii tuhin ruat ing. Ciafangin cia khai hlivua pom tum bang teng i ti khiah ling ing.
18 Ziangmanti fangin fim amam fangin thin rimsu amam i.
Fimhnak khaang ruai te in lungsiahnak khai tam ruai i.