1 Chronicles 25

<<  1 CHRONICLES 25  >>

Lasatute

1Cia zolo ah David in raalbawite kawmin, profet thu khiah congcing le guitar le darbu kawmin rel tuhin, Asaph fapate le Heman fapate le Jeduthun fapate khiah ril i. 2Asaph fapate songin: Zaccur, Joseph, Nethaniah le Asharelah; Asaph fapate khiah Asaph kuthnia ah kumpibawipa ai ruaihnak bangin profet thu rel i. 3Jethudun fapate songah: Gedaliah, Zeri, Jeshaiah, Shimei, Hashabiah le Mattithiah te paruk i. Amahte khiah a paa Jeduthun kuthnia um ai Bawipa khiah congcing thawn an le cuan kong in prawfet thurel i. 4Heman fapate songah: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti-Ezer, Joshbekashah, Mallothi, Hothir le Mahazioth. 5Hete khiah kumpibawipa prawfet Heman fapate i. Amahte khiah Pathian ai thukhamhnak bangin amah do tuhin pehnak i. Pathian in Heman khiah fapa hlaili le fenu pathum pe i. 6He mite khiah Bawipa inn songah darbu le guitar le congcing kawmin lasa tuhin a paa kuthnia ah dahhnak i. Asaph, Jeduthun le Heman khiah kumpibawipa kuthnia ah i. 7Ciamanin amahte khiah a unaute kawmin Bawipa late zirai a thiam ngai mite i. A veksenin amahte khiahzanih le sawmriat le pariat i. 8Amahte per tuhhnak natuan khiah mi upa le mi nauta ti lo, saya le tlawngta ti lo in me hlah ai rilhnak i.

9A hmasaber me khiah Asaph ca ai hla hnak i le Joseph le a fapate le a unaute in ngah i. A panihhnak khiah Gedaliah le a unau le a fapte kawm in hlainih te ca i. 10A pathumhnak khiah Zaccur le a fapate le a unaute hlainih ca i. 11A palihnak khiah Jizri le a fapate le a unaute hlainih ca i. 12A pangahnak khiah Nethaniah le a fapate le a unaute hlainih ca i. 13A parukhnak khiah Bukkiah le a fapate le a unaute hlainih ca i. 14A pasaraihhnak khiah Jesharelah le a fapate le a unaute hlainih ca i. 15Apariathnak khiah Jeshaiah le a fapate le a unaute hlainih ca i. 16A pakuahnak khiah Mattaniah le a fapate le a unaute hlainih ca i.17Sawmkhathnak khiah Shimei le a fapate le a unaute hlainih ca i. 18Hlaikhathnak khiah Azarel le a fapate le a unaute hlainih ca i. 19Hlainihhnak khiah Hashabiah le a fapate le a unaute hlainih ca i. 20Hlaithumhnak khiah Shubael le a fapate le a unaute hlainih ca i. 21Hlailihnak khiah Mattithiah le a fapate le a unaute hlanih ca i. 22 Hlaingahnak khiah Jeremoth le a fapate le a unaute hlainih ca i. 23Hlairukhnak khiah Hananiah le a fapate le a unaute hlainih ca i. 24Hlaisarihhnak khiah Joshbehashah le a fapate le a unaute hlainih ca i. 25Hlairiathnak khiah Hanani le a fapate le a unaute hlanih ca i. 26Hlaikuahnak khiah Mallothi le a fapate le a unaute hlanih ca i. 27Kulhnak khiah Eliathah le a fapate le a unaute hlainih ca i. 28 Kul hluankhathnak khiah Hothir le a fapate le a unaute hlainih ca i. 29Kul hluannihhnak khiah Gaddathi le a fapate le a unaute hlainih ca i. 30Kul hluanthumhnak khiah Mahazioth le a fapate le a unaute hlainih ca i. 31Kul hluanlihnak khiah Romamti-Ezer le a fapate le a unaute hlainih ca i.

<<  1 CHRONICLES 25  >>